Српската музичка ѕвезда Тања Савиќ долго време е во среќна врска со пилотот Мухамед Муки Бешиќ, а сега за првпат проговори за тајната свршувачка што тој ѝ ја организирал.
Тања сега откри дека не сакала премногу да зборува за свршувачката, бидејќи сакала тоа да остане интимна работа.
– Не сакав да се прави помпа, тоа беше нешто интимно и наше. Ме воодушеви… Го очекував, јас кога ќе видам прстени сум воодушевена и не се срамам да кажам дека ми се допаѓа прстенот, а тој истрча што побрзо и го купи. Беше спонтано, ништо наместено, за да се одбележи тој момент – раскажала Тања.
На прашањето дали веќе закажале свадба, Тања истакнува дека тоа не е случај.
– Го планирам, требаше да се случи овој месец, но беше одложено поради концертот во Нови Сад. Тоа ќе се случи кога ќе бидеме подготвени и мирни, а сега имаме многу обврски околу куќата. Планираме да изградиме куќа, па кога тоа ќе заврши – рекла таа.
Она што најмногу го посакува е да има уште деца.
– Само нека ми даде драгиот Бог да родам, тоа би бил најголемиот благослов. Посакувам трето дете. Би сакала да му родам дете и би сакала да родам уште едно дете за да уживам во овие зрели години – одговорила Тања во „Премиера – Викенд специјал“.
