Српската актерка и манекенка Нина Сеничар (38) и американскиот актер Џеј Елис (42) по вторпат станаа родители. Двојката веќе ја има четиригодишната ќерка Нора Грејс, која најмногу му се радува на новиот член на семејството.
Нина ја објави радосната вест на својот инстаграм-профил и со тоа го откри полот на бебето. Имено, брачните партнери добија момче на кое му го дадоа името Ноа Греј Елис.
Се верува дека името Ноа има повеќе значења и дека означува спасител, личност која ќе ги утеши другите, како и мирна и стабилна личност која носи позитивни промени и пресврти на сите околу него.
„Леле, имаме син! Ноа Греј Елис. 11 јули 2024 година“, напиша Нина покрај фотографијата.
View this post on Instagram
Оваа позната убавица веќе подолго време живее на две адреси, во Србија и во Америка, каде моментално се наоѓа нејзиното семејно гнездо, а во родната земја доаѓа поради деловни ангажмани.
View this post on Instagram
Да потсетиме, Сеничар и Елис се свршија на почетокот од 2019 година, за време на нивниот одмор на Бали, а решија да се венчаат во романтичната Италија. Сеничар блесна во венчаница на модната куќа „Долче и Габана“, направена специјално за неа, а Елис избра елегантен бордо костум.
Инаку, Елис е познат холивудски актер, а една од попознатите негови улоги е во продолжението на култниот „Топ ган: Маверик“.
View this post on Instagram
