Српскиот актер Сергеј Трифуновиќ и неговата сопруга Исидора Мијановиќ повторно го привлекоа вниманието на јавноста откако таа на својот инстаграм-профил објави фотографија која ги загрижи нивните следбеници.
На фотографијата се гледа Сергеј по инфузијата и со модринка на раката, додека неговата сопруга цело време била покрај него, ниту за момент не го напуштала.
Брачната двојка не соопшти детали за тоа што точно се случило и зошто актерот морал да прими инфузија. Во неговата рака сè уште се видливи остатоци од браунила, иако парот не откри детали за тоа што всушност се случило.
Иако и двајцата се многу активни на социјалните мрежи, овојпат не сакаа јавно да зборуваат за здравствената состојба на Сергеј, оставајќи ги следбениците во неизвесност.
Сергеј Трифуновиќ и Исидора Мијановиќ го кажаа судбоносното „да“ во тајност, далеку од очите на јавноста. Нивната венчавка се одржа дискретно, без помпа, што изненади многумина, бидејќи Сергеј со години водеше имиџ на ерген.
Исидора е по потекло од Хрватска. За својот однос ретко зборуваат во јавноста, но повремено споделуваат заеднички фотографии со своите следбеници кои го следат секој нивни чекор.
