Мирнеса Бешлиќ, која ја бараше половина Европа, вчера ѝ се предаде на германската полиција, а од вчера е во женскиот затвор Швабис Гмунд.
-Мала ќелија во женскиот затвор Швабиш Гмунд наместо луксузен престој, а вода наместо шампањ за жената која украде повеќе од милион евра. Таму желбите не се исполнуваат, Мирнеса ќе мора да се навикне – сликовито пишува „RTL“.
Мирнеса Бешлиќ, која е родена во Бусовача, во понеделникот во 19:45 часот преку својот адвокат ги известила германските власти дека ќе се предаде следниот ден на аеродромот во Штутгарт.
И така беше. Мирнеса Бешлиќ, како што објави германски RTL, пристигнала од Црна Гора. На фотографиите кои ги објави Bild може да се види како најбараната жена во Германија го променила изгледот.
Таа наскоро ќе биде обвинета од државното обвинителство дека украла повеќе од еден милион евра од компанијата за транспорт на пари во која работела.
