Синот на Лепа Брена и Боба Живојиновиќ, Виктор Живојиновиќ, ужива во љубовта со Александра Гашиќ, а со новата објава на социјалните мрежи покажа како изгледаат нивните подготовки за заедничко патување.
Виктор Живојиновиќ сподели фотографија од лифтот каде што позира со избраничката Александра, додека околу нив се наредени куфери и патни торби. Сепак, вниманието не го привлече само вљубениот пар, туку и еден необичен детаљ што беше во кадарот.
На рамото на Виктор мирно седел домашниот миленик – папагалот, кој станал главна ѕвезда на нивното заедничко селфи.
Александра избрала лежерна облека за патувањето, а Виктор бил облечен во црна маица и црни карго панталони.
Иако не откриле каде се упатиле, судејќи според количината на багажот, двојката сериозно се подготвила за патувањето. Нивната симпатична објава го привлекла вниманието на следбениците, а папагалот на рамото на Виктор секако бил најнеобичниот детаљ на фотографијата.
Стан со прекрасен поглед
Виктор веќе некое време ужива во врска со Александра Гашиќ, која неодамна се преселила во неговиот стан од 700.000 евра во Нов Белград.
Неговиот дом се наоѓа на 40-тиот кат, а наследникот на Брена повеќепати сподели снимки од станот на Инстаграм. Александра е многу активна на Инстаграм, но неодамна се соочи со негативни коментари поврзани со нејзиниот физички изглед, бидејќи многумина коментираа дека изгледа поинаку на Инстаграм отколку во реалниот живот.
– Нему сум му најдобра. И да, моето момче многу убаво готви, па добив малку плус килограми, немојте да сте толку строги. Тој избра – напишала Александра.
Ја продадоа вилата во Мајами за 14,2 милиони
Лепа Брена и Слободан Боба Живојиновиќ официјално ја продадоа својата ексклузивна недвижност во Мајами, кој се наоѓа веднаш до брегот на Атлантскиот Океан. Со години, оваа вила се сметаше за една од најатрактивните недвижности во нивна сопственост, а продажбата конечно беше реализирана по неколку години огласување, дознава „Слободна Далмација“.
Лепа Брена и Боба Живојиновиќ првично ја огласувале луксузната вила по цена од 16,9 милиони долари.
Меѓутоа, следувала корекција на цената на 14,6 милиони долари, така што куќата на крајот добила нов сопственик за 14,2 милиони долари. Продажбата е официјално завршена, со оглед на тоа што вилата повеќе не е во понудите на реномирани агенции за продажба на луксузни недвижности.
