Хрватската пејачка Нина Бадриќ во четвртокот настапи во Сараево.
Своите најголеми хитови ги изведе на платото пред градското собрание на Сараево. Нина на сцената се појави во долго палто со светки. Со залижана кратка коса, која сега ѝ стана заштитен знак и светкавото долго палто, Нина изгледала многу шик и елегантно, истовремено.
Нина направила одлична атмосфера, а ова било само продолжение на новогодишната прослава во градот. Северина пееше за новогодишната ноќ во Сараево. За време на нејзиниот настап, таа ја исполни една од најфреквентните улици во Сараево. Според податоците на МУП на кантонот Сараево, на концертот имало повеќе од 55.000 луѓе.
Потсетуваме, Нина Бадриќ на крајот на ноември минатата година настапи и во загрепската Арена. Нејзин гостин беше Петар Грашо.
„Најдраги… Не е доволно да се заблагодарам на сите за она што се случи во Арена Загреб. Вие сте најдобрата публика на светот. Благодарам на секоја душа што дојде и ми донесе подарокот од својата љубов. За мене беше многу емотивно да гледам луѓе од сите генерации како пеат и танцуваат со мене речиси три часа концерт. Малкумина од вас останаа да седат на трибините. Срцето ми пееше од среќа, бевте најголеми и најдобри на светот“, напишала Нина на социјалните мрежи по концертот.
