Хрватскиот музичар Петар Грашо ги изненади своите обожаватели и ги одложи своите концерти во Мостар и Сараево како знак на почит кон починатиот Халид Бешлиќ. Пејачот ја објави оваа одлука повеќе од 24 часа по веста за смртта на легендарниот крал на народната музика, кој почина на 72-годишна возраст. Неговата одлука беше поздравена од бројни музичари и обожаватели.
Грашо објави дека неговите настапи, закажани за 9 и 10 октомври, се преместени на 22 и 23 октомври. Во објава на Инстаграм, тој сподели заедничка фотографија со Халид Бешлиќ.
View this post on Instagram
„Постои време кога песната ја милува душата… Но, постои и она друго време кога на душата ѝ е потребна тишина. Тишината е глас на тага, почит, сеќавање и љубов кон човекот кој го заслужил сето тоа. Затоа моите концерти во Мостар и Сараево, кои требаше да бидат на 9 и 10 октомври, се одложени за 22 и 23 октомври“, напишал тој.
Објавата на Грашо предизвика лавина од коментари poмеѓу неговите следбеници, кои го поддржаа и го пофалија за гестот на почит.
„Браво Петар, голем си!“, „Почитувањето е на прво место“ и „Секоја чест, голем Човеку! Браво за прекрасниот гест!“, напишаа тие.
Многумина истакнаа дека неговата објава длабоко ги трогнала и ја покажала човечката страна во моментите на тага.
Заедно со Грашо, и групата „Црвена јабука“ го одложи својот концерт планиран за 11 октомври, кој, наместо тоа, ќе се одржи на 17 октомври. Со тоа, и тие му оддадоа почит на Халид Бешлиќ, следејќи го примерот на своите колеги.
