Малку работа, малку одмор, така би можело да се опише летото на регионалната музичка ѕвезда Лепа Брена (63). Минатиот викенд пејачката одржа спектакуларен концерт во Брчко, а во четвртокот на својата инстаграм-приказна сподели глетки од одморот.
Со семејството Лепа Брена ги „полни батериите“ на јахтата, а друштво ѝ правела нејзината помлада сестра Факета Стојановиќ, која нагалено ја нарекуваат Фара. Со насмевка на лицата, сестрите направиле селфи, додека сончевите зраци им паѓале на нивните лица.
Факета живее во Канада со двете ќерки, а нејзиниот сопруг Зоран Стојановиќ почина во септември минатата година.
Брена потоа објавила и идилично видео од раскошната јахта и од зајдисонцето во кое уживале додека пловеле.
Лепа Брена по летото ја чекаат низа концерти, а во декември ќе пее дури четири вечери во Арена Загреб. Концертите на 6, 7 и 9 декември се веќе распродадени, додека за 10 декември останале малку влезници.
