Неда Украден реши крајот на летото да го помине поинаку. Наместо морето, пејачката овојпат ги избра планините, па со своите следбеници сподели фотографии и видео од одморот во луксузниот хотел Рамонда, сместен во подножјето на Ртањ.
Со објавата таа испрати и порака: „Збогум море, одам во планинa!“, покажувајќи им на следбениците како ужива во мирен одмор, кој самата го опиша како „одмор за душата и телото“.
View this post on Instagram
На една од фотографиите Неда се опушта во џакузи со пијалак во раката, додека на друга позира на балконот со поглед кон базените и зелените планински предели.
Друштво во текот на одморот ѝ прави и нејзиниот мал јоркширски териер.
Пејачката повторно привлече внимание и со својот избор на облека. Лежерната бела кошула ја искомбинирала со широк кафеав ремен и панталони со дезен, а во објавата им се заблагодарила и на домаќините за гостопримството.
Особено ја издвојала „љубезната Јадранка, прекрасната домаќинка“, со која направила и заедничка фотографија.
Хотелот што Неда го избрала за својот одмор се наоѓа во подножјето на Ртањ, планина позната по специфичниот пејзаж, но и по бројните легенди што со години се поврзуваат со неа.
Фотографиите очекувано предизвикаа големо внимание на социјалните мрежи. Следбениците во коментарите ја пофалија Неда за изгледот и стилот, а меѓу пораките можеше да се прочитаат и „Дама со стил“ и „Прекрасна и неповторлива“.
Една обожавателка нејзиниот одмор го поврзала и со нејзиниот актуелен албум, па ѝ напишала: „Баш како што вели песната – Своја на своето“.
Многумина се осврнаа и на нејзиниот младешки изглед. Сепак, покрај бројните комплименти, се појавија и коментари во кои дел од следбениците се посомневале дека фотографиите се обработени.
„Неда е безвременска кралица, ѕвезда, но навистина нема потреба од фотошоп“, напишал еден од следбениците.
Друг, пак, оставил поостра забелешка: „Од фотошоп сите изгледаат добро“.
И покрај ваквите реакции, поголемиот дел од коментарите биле позитивни, а објавите од планинскиот одмор на Неда Украден привлекле значително внимание.
