11:28 - 16 ноември, 2026

Цеца откри како изгледа животот во домот на Анастасија по раѓањето на синот: „Тој сега е центарот на светот“

Цеца Ражнатовиќ се појави на снимањето на емисијата „Ѕвездите на Гранд“, а со својот елегантен изглед веднаш го привлече вниманието. Во разговорот со новинарите таа се осврна на заминувањето на Ана Бекута од жирито, но откри и неколку детали за семејниот живот по раѓањето на нејзиниот внук Илијан.

Цеца смета дека одлуката на Ана Бекута да го напушти музичкото натпреварување е сосема оправдана и дека тоа нема да го наруши функционирањето на останатиот дел од екипата.

„Ана Бекута оправдано си замина, тоа беше нејзина желба. Останатиот дел од екипата е добро уигран. Што да ви кажам, луѓето си заминуваат, доаѓаат. Еден ден ќе си заминам и јас, а „Ѕвездите на Гранд“ ќе продолжат да се снимаат. Ќе дојдат нови луѓе кои ќе го збогатат тоа“, изјави Цеца.

По разговорот за емисијата, Цеца се осврна и на својата ќерка Анастасија Ражнатовиќ, која неодамна го доби синот Илијан.

Таа откри дека со своите деца се слуша повеќепати во текот на денот, а откако во семејството пристигна новиот член, нејзиниот телефон е преполн со фотографии и видеа од внукот.

„Со своите деца се слушам многупати во текот на денот. Сега добивам видеа и фотографии, сега тој е центарот на светот“, раскажа Цеца.

Ана Бекута неодамна потврди дека повеќе нема да биде дел од натпреварувањето „Ѕвездите на Гранд“, а притоа зборуваше и за причините поради кои решила да се повлече.

Таа објасни дека одлуката не ја донела поради некаков конфликт или разочарување, туку затоа што почувствувала потреба да одмори и повеќе да се посвети на својата кариера.

„Мене не ме растажи таа вест, сакам малку да се одморам. Сè уште не сум ја напуштила групата, тоа ќе го направам кога ќе почнат снимањата. Снимањата ми одземаа голем дел од слободното време и сакам на поинаков начин да ѝ се посветам на кариерата. Треба да снимам песни и да организирам турнеја“, објаснила Бекута.

Таа додала дека одлуката не ѝ паднала тешко и дека едно утро едноставно станала со чувство дека мора да направи пауза.

„Не донесов тешка одлука. Едно утро станав и реков: морам да направам пауза. Се заситив, ако можам така да кажам. Можеби паузата е добра за да си недостигаме едни на други“, рекла пејачката.

Бекута открила и дека во Гранд ѝ понудиле можност повторно да гостува во емисијата кога ќе посака, особено за да ја промовира својата музика.

„Во Гранд ми рекоа, кога разговаравме, да доаѓам да ги промовирам песните, да доаѓам кога и да посакам, да седам покрај Шљива. Ова беше значајна одлука за мене за да се приберам“, заклучила таа.

Слични објави

(Видео) „Викенд на мртовци“ бил поголем кинохит во Скопје од „Кум“ и од филмовите со Лепа Брена: Игор Џамбазов сподели анегдоти од снимањето на култната македонска комедија

Еспресо

Запален автомобилот на Александра Пријовиќ и Филип Живојиновиќ: Пожарот зафатил и друго возило, полицијата пред нивниот дом

Еспресо

(Фото) Вистинска дама — Ирена Спировска блесна во маслинесто-златна тоалета со кристали на „Фолк фест Роса“

К.С.

Хороскоп за 16 ноември: Ракови, верувајте ѝ на вашата интуиција

Еспресо

Една порција зелен лиснат зеленчук дневно — што открива истражувањето за помнењето во повозрасната доба?

К.С.

(Фото) Џејла Рамовиќ во впечатливо издание – блесна во мини фустан со кој ги истакна нејзините долги нозе

Еспресо
Се вчитува....