Хрватската пејачка Маја Шупут деновиве престојувала на Пељешац, каде што пристигнала поради настап, а слободното време го искористила за да се опушти во еден од полуксузните хотели во Оребиќ. Таа објавила серија фотографии и видеа на Инстаграм и покажала како ужива во базенот, морето и во друштвото на синот Блум.
„Само 48 часа во прекрасниот Оребиќ… Ви благодарам за секоја секунда хедонистички пристап и гостопримство“, напишала пејачката со објавата која брзо го привлекла вниманието на нејзините следбеници.
View this post on Instagram
На фотографиите, таа позира во црн костим за капење, уживајќи во сончањето и опуштената атмосфера, а нејзините следбеници забележале дека изгледа порасположена од кога било.
Веста за раскинувањето на Маја Шупут и Шиме Елез изненади многумина, бидејќи со месеци беа познати како еден од најекспонираните парови на хрватската сцена. Пејачката неодамна потврди дека нивната врска завршила, велејќи дека „секој веќе некое време ја живее својата реалност“ и дека „секоја приказна има свој почеток и крај“.
Недолго по неа, се огласи и поранешниот „Господин совршен“.
„Маја и јас не ги споделивме нашите приватни моменти со јавноста. Раскинувањето е наша приватна работа и ќе остане така, затоа не планирам да давам понатамошни коментари на таа тема“, рекол Шиме Елез за „Нет.хр“.
Сепак, обожавателите забележиле еден детаљ – дека ниту Маја ниту Шиме сè уште не ги отстраниле заедничките фотографии од Инстаграм. Нивните профили се сè уште полни со романтични спомени од Бали, Мадрид и заеднички излегувања, што дополнително ги поттикна коментарите од следбениците.
