Линда Евангелиста повеќе не сака да се крие: во ексклузивното интервју за Пипл таа се разголи за прв пат по операцијата што ја обезличи.
Супермоделот неодамна конечно позираше и покажа колку пластичните операции може да наштетат. Таа ги покажа и раскажа своите страдања кои нејзиното тело и ум ги претрпеле поради катастрофалните резултати од операцијата за отстранување на вишокот маснотии од некои делови од телото.
Процедурата „CoolSculpting“ или криолиполиза која ги замрзнува мастите и овозможува нивно елиминирање, изведена пред неколку години, всушност остави ретки, но сериозни несакани ефекти кај некогашната најубава жена во светот која целата своја кариера и имиџ го изгради токму на убавината!
View this post on Instagram
Линда, откако наполни 50 години, беше подложена на седум сесии на криолиполиза помеѓу август 2015 и февруари 2016 година и по само три месеци почна да забележува сомнителен оток особено во пределот на бутовите, брадата и градниот предел, токму онаму каде што сакаше да интервенира за да го намали обемот.
Гледајќи дека ситуацијата се влошува, таа се обиде да држи строга диета и да тренира со уште поголем интензитет, до степен до изгладнетост и – супеа да ослабне но без никакви подобрувања во изгледот!
Кога прашала што се случува и побарала лекарска помош, лекарите речиси веднаш ѝ дијагностицирале парадоксална масна хиперплазија, самото име прилично објаснува многу нешта: тоа е неочекувано зголемување на масните клетки во третираните области! Несакан ефект кој влијае на 0,005% од луѓето кои се подложени на CoolSculpting, односно криолиполиза, кој како и сите третмани, иако е безбеден и загарантиран, може да предизвика дури и непредвидливи реакции на телото, како во овој случај.
Линда Евангелиста сега е делумно изобличена бидејќи има отоци кои можат да се отстранат само со друга операција. Супермоделот, по ова изобличување направи и липосукција, со акцент на вратот за да ги елиминира највпечатливите знаци, но сепак, ни тоа не помогна сосема.
View this post on Instagram
Поминаа шест години од драматичната интервенција и Линда Евангелиста изјави за Пипл дека повеќе не може да се гледа во огледало бидејќи не се препознава. Таа беше персонификација на концептот за убавина и совршенство во 90-тите, дотолку што дури и Ана Винтур изјави дека ниту еден модел не е посупер од Линда. 700 насловни страници, стотици модни ревии, музата на Карл Лагерфелд во времето на Шанел и на фотографот Стивен Мајзел: таа што сакаше да покажува, денес дури и се плаши да се сретне со некој што го познава. Ефектите врз нејзиното ментално здравје биле исто толку поразителни како и врз нејзиното тело, факт што доведе до тоа да се крие и да се срами!
Иако поднела тужба против компанијата која го оравела третманот CoolSculpting, (Zeltiq Aesthetics Inc.), и побарала отштета од 50 милиони долари, веќе ништо не може да ѝ го врати спокојството од минатото. Но, одлуката да излезе во јавност и да ја прекине тишината и да го покаже своето уништено тело била поттикната од желбата да си ја врати самодовербата, но и да им помогне на луѓето кои денес живеат во ситуација како нејзината, да им даде глас со нејзиното сведочење на сите оние кои се чувствуваат заробени во тело кое не го препознаваат.
