Стилистот кој е роден во Србија, а кој се венча со Хрват, ја сака Брена уште од мали нозе, и сакал таа да пее на неговата свадба.
Лепа Брена настапи на геј свадба на Србин и Хрват во Шпанија, поточно во Палма де Мајорка, пренесува српски Телеграф, а на свадбата балканската дива предизвикала целосен хаос.
Брена беше специјална гостинка, а кога на сцената излегла во долг фустан во розе нијасна и ги испеала првите ритмови на нејзините хитови – настанало општо „лудило“.
Таа на свадбата дошла на покана на белграѓанецот кој со години гради кариера во модната индустрија, а се омажи за хрватски архитект.
Пеејќи ги своите хитови, Брена ги кренала сите на нозе, гостите танцувале и пееле на глас со неа.
Целиот тим во Шпанија ќе остане шест дена, како што пренесува српски Курир, а пејачката престојува во луксузен хотел каде ноќевање чини 500 евра.
Брена пристигнала во Палма де Мајорка во друштво на блиска пријателка. Вечерта пред венчавката се одржала забава за загревање.
Како што дознава српски „Курир“ Брена за настапот на свадба добила 30.000 евра, но младенците на неа потрошиле уште 20.000.
