Легендарниот српски пејач Тома Здравковиќ ги сакал жените, а и жените го сакале него, а колку тој бил со „заљублива природа“ покажува фактот што неговата последна сопруга и вдовица Гордана Здравковиќ изјавила дека воопшто не ѝ пречело неговото често вљубување во потрага по инспирација.
Не е чудно, бидејќи Тома се женел четири пати, а негова втора сопруга била убавата Милица Божиќ, која, како што тврделе извори, ја запознал во белградскиот „Градски подрум“. Тома и Милица се венчале по неколку месеци љубов, а пејачот престанал да води боемски живот поради убавата сопруга. Сепак, тој им се вратил на пороците и ноќниот живот, па сопругата го оставила по само две години – во февруари 1970 година.
Милица подоцна се премажила и добила две ќерки, а едната од нив од старите албуми извадила две фотографии кои настанале при венчавката на нејзината мајка со Тома и ги споделила на Инстаграм.
„Тома и кева кога се сакаа“, напишала таа.
Милица, инаку, почина пред неколку години. Пред неа пејачот беше во брак со Олгица со која ја доби ќерката Жаклина, а по Милица беше во брак со Нада, а потоа и со Гордана, со која остана до крајот на животот и го доби синот Саша.
