Српската пејачка Наташа Беквалац ја дочекала полноќта опкружена со семејството и ќерките, и тоа во многу специјална пригода со изненадување што го организирале.
Нејзината постара ќерка Хана денеска полни 18 години, а пејачката со емотивни зборови ѝ го честиташе прекрасниот ден.
Наташа објави нивна заедничка фотографија со порака која допре до срцата на многумина.
„На мојата прва, најголема, вистинска љубов денеска ѝ е 18-тиот роденден. Родена од љубов, исткаена од љубов, прекрасна, храбра, секогаш толку своја, а моја. Горда сум на сè што си, љубов мајкина и ако продолжам да пишувам, срцето ќе ми пукне, а треба уште долго да чука за тебе“, напишала Наташа.
По емотивната објава, Наташа објавила уште една фотографија со својата ќерка, придружена со кратка порака:
„Те сакам“.
Инаку, Наташа пред 18 години ја доби првата ќерка Хана со ватерполистот Данило Икодиновиќ.
Беквалац неодамна зборувала за родителството.
– Јас сум сама во родителството. Таа улога ми е најважна, како и на секоја нормална жена. Тоа е енергија што многу ве обзема. Максимално сум посветена и на работата што ја работам на врвно ниво веќе 20 години. Тоа се две работи кои ме исполнуваат и ме обземаат. Мажот мора да биде магичен за да можам да го вклопам во својот распоред – изјавила своевремено Наташа за српските медиуми.
