Осумнаесетгодишната Дева Касел, ќерка на најубавата актерка Моника Белучи и нејзиниот поранешен сопруг, францускиот актер Винсент Касел, џепарлакот (кој е прилично висок) го заработува со манекенство и моделство, а набрзо тргнува по стапките на своите родители.
Убавината ја наследила од мајка си, а првиот работен ангажман го добила на четиринаесет години работејќи за модното дуо Долче и Габана. Тогаш таа беше заштитно лице на нивниот парфем, а деновиве снима модна кампања за нив во центарот на Рим. Најавено е дека ќе се појави во италијанската серија „Гепард“ која ќе се емитува на Нетфликс.
View this post on Instagram
Станува збор за серија инспирирана од италијанскиот филмски класик во режија на Лучино Висконти, кој го освои Златниот лав во 1963 година, историска сага во која глумат Клаудија Кардинале, Ален Делон и Бурт Ланкастер.
Дева ќе ја глуми Анџелика Седара, која во филмската верзија ја игра Клаудија Кардинале, млада жена од средната класа која станува катализатор за општествените пресврти.
Серијата има шест епизоди, а поставена на позадината на социјалната револуција во Сицилија во 1860-тите.
View this post on Instagram
Сигурно ќе биде голема работа за манекенката која не бега од професионалното наследство на нејзините родители.
View this post on Instagram
– Засега не планирам ништо да учам – штотуку завршив средно училиште. Моментално сум посветена на манекенството, како и на драмската работилница на која присуствувам. Не би имала ништо против да се обидам да глумам. Мислам дека навистина би уживала во глумата, но знам дека е тешка професија која бара многу време и многу лични вложувања за да се совлада. Навистина го ценам фактот што моите родители никогаш не ме принудија да бидм глумица. Секогаш ми велеа дека можам да бидам што сакам кога ќе пораснам, поради што бев многу отворена во различни домени, изјави таа пред неколку месеци во интервју за магазинот Glass, не откривајќи дека веќе го добила првиот актерски ангажман.
Таа откри дека сака да готви, да слика, да танцува, а понекогаш и да е сама, но најмногу ужива во друштвото на своето момче, италијанскиот модел Луче Саландра.
