Иако полека се приближува до 80-тата година од животот, многумина и понатаму се во шок и мислат дека е некоја грешка, затоа што познатата српска модна дизајнерка Верица Ракочевиќ изгледа како да нема повеќе од 50 години. Модната дизајнерка има 76 години, а сега ги воодушеви сите со фотографија во костими за капење и со линија и тело на многу помлада жена.
Инаку, Верица и нејзиниот сопруг Вељко Кузманчевиќ одлучиле да посетат земји со камперско комбе, па така настанала оваа фотографија во костим за капење.
– Кога ги ставив на вага доблестите и маните на Вељко, сфатив дека ако не е таков, животот ќе ни биде здодевен. Денес поради него, наместо во хотели со пет ѕвезди, летувам во камп приколка – искрено рекла познатата модна креаторка.
Инаку, Верица и Вељко одлучија да застанат на „лудиот камен“ по само една недела врска, но никогаш поради тоа не се покајале.
– Со оглед на тоа што Верица е некој којшто пред себе има многу нешта да направи, но суштината веќе ја кажа и направи, не ѝ преостана ништо друго освен да живее под полн гас, ослободена од сите стеги. Што се однесува до мене, отсекогаш ме нервирала реченицата: „Мора да се смириш и да се здомиш“. Никогаш не сум размислувал каде ќе бидам и што ќе правам за две, три или пет години. Не ми треба стан ниту ѕидови. Јас сум номад и целосен лудак кој животот го сфаќа како игра. Во тоа сме многу слични – изјавил Вељко Кузманчевиќ за магазинот „Стори“.
