Хана Хуљиќ Грашо, сопругата на хрватскиот пејач Петар Грашо деновиве се дружи со другарките на Корчула.
Пејачката Доменика Жувела на социјалните мрежи објави момент од нивната дружба. Имено, на фотографијата со нив две се и Андреа Андраси и кучето на Доменика. Но, она што го привлече погледот на оваа фотографија е пораснатиот труднички стомак на Хана. Младата мајка дефинитивно зрачи со убава енергија.
„Ние пет“, напиша Доменика.
Доменика, инаку, е свадбена кума на Хана, а во една прилика таа открила колку биле блиски.
„Се дружиме секој ден, се слушаме неколку пати на ден. Ја сметам Хана за сестра и со неа доживувам сè. Се радувам на ново поглавје во нашето пријателство“, изјавила пејачката за „Стори“.
Да потсетиме, Петар и Хана во април годинава открија дека чекаат второ дете. Петар подоцна изјави дека по нивната ќерка Алба, која ја добија во 2022, сега пристигнува син. Тие веќе имаат име за нивниот син.
Хана и Петар се венчаа во февруари 2022 година во Сплит.
