Ешли Греам, една од најпознатите плус сајз модели во светот, на почетокот на јануари роди близнаци. Со доаѓањето на близнаците, Ешли истакна дека ќе и треба малку време да се посвети на семејството, и беше отсутна од социјалните мрежи.
Пред неколку дена повторно се јави на Инстаграм и објави фотографија со синовите, која предизвика бројни реакции. Ешли сподели фотографија на која може да се види како истовремено ги дои синовите Роман и Малахи.
Со опис на фотографијата „двојна тупаница“ стави до знаење дека е расположена и подготвена за шега.
На една од фотографиите таа седи на столица и ги дои момчињата, кои се потпрени на перница за доење. „Мојата нормална положба додека ги дојам дечињата во тандем“, напиша таа.
„Ми требаа неколку недели обиди, грешки и многу солзи“, напиша Ешли.
View this post on Instagram
Таа исто така истакна дека успеала со помош на нејзината советничка за доење и ја пофали нејзината добрина и нежност во најтешките моменти. Доењето на едно бебе понекогаш е тешко, а доењето близнаци, кои се две различни личности родени во исто време, може да биде уште покомплицирано.
Советниците за доење препорачуваат тандемско доење, односно две деца во исто време, по едно на секоја дојка. На овој начин ќе се преполови времето на доење и ќе и даде на мајката малку повеќе време за одмор.
