(Фото) Дамата во црвено од Финска ја занеме Владата на Ковачевски; што значи црвената боја за Сана Марин која често ја носи

од Ј.К.Д18:44 - 20 јуни, 202218:57 - 20 јуни, 2022

Одамна не сме имале толку убава гостинка, згора на тоа – облечена во фустан во силна црвена нијанса, избор што отскокнува од класичните и строги модни изгледи на мнозинството од жените од политичкиот свет. Но, Сана Марин притигна во Скопје, пречекана пред Владата од премиерот Ковачевски, во издание кое, веројатно, само за малкумина (на пример, за оние кои ја „следат“ на социјалната мрежа Инстаграм) беше очекувано. Со лесна насмевка на лицето, пуштена кафена коса, многу малку шминка на лицето и речиси без накит.

И кога зборува, нејзиното лице е сериозно, но неутрално, ја отсликува нејзината прочуена реченица од почетокот на нејзиниот мандат, 2019, како најмлада претседателка на Влада, дојдена на чело на Финска кога во државата се закануваа штрајкови, „никогаш не сум размислувала за мојата возраст или мојот пол. Размислувам само за прашањата што ме натераа да се вклучам во политиката“. Овие прашања ја држат „во црвено-зелениот дел од партиското поле“, како што таа го нарекува, повеќе од една деценија. Од подмладокот на Социјалдемократската партија (СДП), преку општинската власт, до нејзиниот мандат како министерка за транспорт и врски, а потоа како премиерка, Марин отсекогаш се идентификувала со СДП и нејзината потписна боја, црвената.

Еве го и црвениот фустан со благ Ве-израз и миди должина, украсен со тенок ремен, истиот со кој се огласи од пултот на СДП во 2017 година.

View this post on Instagram

A post shared by Sanna Marin (@sannamarin)

И тој не е единствениот. Од нејзините први четири објави на Инстаграм во 2014 година, на три е облечена во црвено. Подоцна, фустан во црвена нијанса таа носеше и за да ги објави социјалните реформи во буџетот за 2020 година, но и на приемот на Финскиот Ден на независноста во Претседателската палата на 6 декември 2019. Во меѓувреме, црвен фустан со џебови, црвена маичка, црвени марами…

Пред нејзините први парламентарни избори во 2015 година, Марин твитна фотографија на која „позира“ во црвени гумени чизми Лакост, за кои подоцна изјави дека ги купила на распродажба години пред тоа, во стоковната куќа Сокос во Тампере (град во јужна Финска).

Таа ги нарече „бојата на мојата идеја“.

Ако се погледне повнимателно во нејзиниот гардеробер, кој е свесно скроен, се забележува дека нејзините аутфити се всушност колекција од претходно носени парчиња. За лидерка со агенда за социјални реформи и климатски промени, ова е особено интересно и важно. Свесни или несвесни, постапките на Марин се знак за „бавна мода“.