Богдана Ражнатовиќ одлучи да направи голема промена во својот изглед. Како што дознава српски „Информер“, снаата на Цеца Ражнатовиќ неодамна посетила приватна клиника за естетска хирургија, каде што го отстранила вишокот хијалурон од усните.
Извори блиски до Богдана откриваат дека таа размислувала за овој чекор веќе извесно време, а сега конечно одлучила да се врати на поприродниот изглед.
– Богдана долго се двоумеше, но сфати дека сака да се врати во поприродна верзија од себе. Одењето во клиниката беше дискретно, а сè беше направено на највисоко ниво. Сега е многу задоволна од резултатите и вели дека се чувствува поубава и посамоуверена од кога било – изјавил добро информиран извор за „Информер“.
Резултатите, според зборовите на многумина, се фантастични – усните изгледаат многу посуптилно и поскладно со нејзиното лице, што ги воодушеви и корисниците на социјалните мрежи, но и луѓето од нејзиното најблиско опкружување.
Богдана премиерно го претстави својот нов изглед на прославата по повод првиот роденден на својот син Исаија, на која неодамна присуствуваа бројни членови на семејството и пријатели. Присутните веднаш ја забележаа промената и не штедеа комплименти за нејзиниот посвеж и поприроден изглед.
