Продолжува 76-тото издание на Канскиот филмски фестивал, еден од најочекуваните општествени настани во светот на кинематографијата кој секоја година прикажува десетици филмови со светска премиера.
Завчера беше на ред премиерата на „Индијана Џонс“ со Харисон Форд, кое е насловено „Indiana Jones And The Dial Of Destiny’ и филмот беше прикажан за прв пат токму во Кан. Црвениот тепих беше преполн од ѕвезди, а по топ моделката Карли Клос во издание на божицата, пристигна и моделката Адријана Лима (поранешен ангел на Викторија сикрет) да ја прослави убавината на мајчинството. Лима стана мајка по трет пат пред неполна година, но, и покрај тоа, веќе му се врати на јавниот живот и тоа го направи со стил.
.@AdrianaLima at the “Indiana Jones And The Dial Of Destiny” Red Carpet at The 76th Annual Cannes Film Festival.#Cannes2023 pic.twitter.com/ycWfr9ejyU
— #Cannes2023 (@AwardShowUpdate) May 18, 2023
Минатата година Адријана Лима присуствуваше на Канскиот филмски фестивал со труднички стомак, а сега се врати, но во ново мајчинско издание.
Таа добро знае дека нејзиното тело е променето, сепак, таа блесна со цела женственост и мајчинска сензуалност во прекрасна креација – тесен сирена фустан од Тамара Ралф (австралиска модна дизајнерка која е поранешен креативен директор и ко-основач на луксузната модна марка Ralph & Russo).
Adriana Lima at the 76th annual Cannes film festival. pic.twitter.com/S0RENNlNSg
— @21metgala (@21metgala) May 18, 2023
Фустанот е тотално црн со дарежливо деколте без прерамки и силуета која е прилагодена на нејзиното женствено тело, но она што го прави фустанот впечатлив е светло жолтата лента која започнува од колкот, поминува преку рамото и преминува во макси ‘воз’ со машна на грбот.
За заокружување на изгледот, тука се софистицираните и гламурозни детали. Адријана Лима го искомбинира фустанот со пар чевли од Џими Чу и блескав дијамантски накит од Шопард.
View this post on Instagram
„Се чувствувам авантуристички и гламурозно“, напиша новопечената мајка на социјалните мрежи.
