Српската пејачка Милица Тодоровиќ донела одлука да ги зачува матичните клетки по породувањето, со што, како што навела, сака да обезбеди дополнителна сигурност и можност за лекување во иднина. Оваа одлука станува сè почеста кај јавните личности, но и кај родителите кои сакаат навреме да размислуваат за здравјето на своите деца.
Според зборовите на извор близок до пејачката, Милица ја донела оваа одлука промислено и без дилема, сметајќи ја за важна инвестиција во иднината на своето семејство. Чувањето матични клетки по раѓањето овозможува потенцијална примена во лекувањето на бројни болести, поради што сè повеќе родители одлучуваат да го направат овој чекор.
Иако ретко јавно зборува за деталите од својата бременост и приватен живот, Милица Тодоровиќ и претходно нагласила колку е важно здравјето за неа, но и здравјето на луѓето што ги сака. Токму поради оваа причина, одлуката за зачувување на матични клетки се доживува како логично продолжение на нејзиниот одговорен пристап кон животот.
Пејачката веќе наголемо се подготвува за нова животна улога, додека обожавателите и колегите од јавниот живот ѝ упатуваат бројни пораки за поддршка и честитки. Милица, како што се наведува, сака да ја проживее оваа животна фаза мирно, далеку од преголемо медиумско внимание, фокусирана на семејството и иднината.
Нејзината одлука уште еднаш ја отвори темата за важноста на зачувувањето на матичните клетки и ја подигна свеста за современите медицински можности што им се достапни на родителите.
