За време на турнејата „Од исток до запад“, Александра Пријовиќ од септември минатата година до декември годинава одржала дури 63 концерти и станала милионерка.
Александра Пријовиќ на турнејата „Од исток до запад“ заработила дури 1.890.000 евра, дознава српски „Информер“!
– Александра успеа да ја покори целата естрада! Зад себе има сериозен тим кој води сметка и за најситните детали и токму затоа успехот беше неизбежен. Вложила многу, но многу и заработи – за „Информер“ раскажал еден естраден менаџер, кој инсистирал на анонимност и открил колку пари на крајот „ставила во џеб“ фолк ѕвездата:
– Прија за настапи наплаќа и до 80.000 евра. Одржа 63 концерти, но не одат сите пари кај неа. Во текот на целата турнеја ја придружуваше голем тим, составен од музичари, менаџери, шминкери, фризери, стилисти, танчари… Кога ги исплатила сите нив, во просек по концерт заработила по 30.000 евра. Па така, на крајот заработила вкупно 1.890.000 евра!
Изворот за „Информер“ нагласува дека интересот по младата фолк ѕвезда не престанува.
– Ниту по турнејата која траеше 15 месеци, публиката не се засити од Прија. Таа е неприкосновена на пазарот, а сопствениците на клубови и на најистакнатите локали и понатаму не штедат пари за да настапи во нивниот објект – вели менаџерот.
Да потсетиме, Александра Пријовиќ ја започна турнејата „Од исток до запад“ на 28 септември 2023 година во белградска арена, по објавувањето на вториот студиски албум „Девет животи“.
