Емина Јаховиќ во ново интервју откри дали има ново момче. Како што е познато, турските медиуми на почетокот на минатата година ја поврзуваа со финансискиот советник Курт Даниел Сантеј.
Имено, таа изјавила дека моментално е сингл и дека нема да се крие од јавноста кога е во врска.
„Немам дечко во моментов затоа што сум фокусирана на моите деца. Кога треба да се случи, тоа ќе се случи. Дури и малку се пензионирав. Имав некои повреди. Пишав за тоа, така што, ќе знаете сѐ кога ќе треба“, рече таа во емисијата „Ексклузив“.
Пејачката беше во брак со Мустафа Сандал од 2008 до 2018 година. Тие ги имаат синовите Јаман и Јавуз. Минатата година Емина го тужеше Мустафа за наводно неплаќање алиментација. Таа исто така тврдеше дека ги запоставил децата откако се оженил со Мелиса Сутсуруп.
Во новото интервју таа се осврна и на фактот дека нејзиниот син Јаман решил да се впушти во музичките води. Неодамна ја објави својата прва песна со наслов „Yaklas yanima“ („Дојди поблиску“).
„Немав поим што прави и дека се занимава со музика на овој начин, не затоа што јас не бев вклучена во животот на мојот син, туку затоа што тој беше во својата соба и работеше на тоа и не излегуваше. Видов дека прави добри работи“, рече таа.
