„А сад адио“ е култна песна на Оливер Драгојевиќ, а е создадена за ТВ серијата „Жежок ветар“.
„Се сеќавам како да беше вчера. Отидов во Дубровник. Режисерот Аца Ѓорѓевиќ и Синиша Павиќ ми кажаа отприлика каква треба да биде песната, да се почувствува жешкиот ветер. Пред тоа бев на одмор на Крит и веќе го почувствував. Брзо сфатив што сакаат. Тоа беше момент на инспирација кој многу едноставно го претворив во песна“, рече композиторот на песната, Војкан Борисављевиќ, кој, како што вели, ја „склепал“ песната во такси на пат кон аеродромот, за 30 секунди.
„Оливер ја сними една вечер за 10 минути во студиото на Радио Белград. Неговиот глас ја обележа песната, а подоцна ја снимија и многу други“, откри Војкан.
-Оливер Драгоевиќ ги сними „А сад адио“ и „Човек и брод“ за „Жежок ветар“ за Радио Белград за само 15 минути. Никогаш повеќе не ги отпеа тие песни, но не мислам дека проблемот беше во него, туку во Зденко Руњиќ, со кого соработуваше и кој не сакаше друго име да се појави покрај него, а јас не сакав ниту да го туркам.“
„А сад адио“ била изведена на стадионот во Будимпешта кон крајот на осумдесеттите години, кога Љубиша Самарџиќ бил прогласен за актер на годината во Унгарија, пишува Стил.
„Смоки ја испеа таа песна на унгарски, а 100 илјади Унгарци го следеа“, рече Борисављевиќ.
