Синот на пејачката Драгана Мирковиќ и Тони Бијелиќ, Марко Бијелиќ, го очекува своето прво дете со сопругата Мелани Димитријевиќ, а тие неодамна открија дека ќе станат родители на девојче.
Како што пренесуваат спрските медиуми, подготовките за доаѓањето на наследничката се веќе во полн ек, а Мелани и Марко се одлучиле за луксузна приватна клиника во Виена.
Како што наведува извор близок до парот, покрај врвната медицинска нега достапна 24 часа дневно, идната мајка ќе има можност да користи бројни дополнителни услуги – од доаѓање на фризер, маникир и педикир директно во болничката соба, до пристап до посебно уреден простор за медитација и релаксација.
Наводно, породувањето во оваа клиника чини близу 10.000 евра, но Марко и Мелани не штедат кога станува збор за удобноста и безбедноста на нивното бебе, а ниту на идната баба Драгана тоа не ѝ претставува проблем.
Тајно се венчаа
Да потсетиме, неодамна се одржа интимна венчавка на Марко Бијелиќ и Мелани Димитријевиќ, синот и снаата на пејачката Драгана Мирковиќ. Интимната, но гламурозна церемонија беше приредена во замокот каде што живее Драгана, а од луксузната декорација на сите им застана здивот.
