Драгана Катиќ, во друштво на нејзината пријателка Весна Милановиќ, искрено и духовито зборуваше за тоа како изгледа нејзиниот совршен неделен ритуал, но откри и малку необична фобија што ја следи со години, пишува Grand.nov.rs.
– Неделата е навистина ден за одмор, па се будам кога сакам. Се прави кафе, потоа следи утринскиот брифинг, да се раскаже што се случило во ноќта помеѓу саботата и неделата (се смее), што има ново на Инстаграм, Тикток и да озборуваме – откри Драгана, алудирајќи на нејзината пријателка Весна Милановиќ, која додаде низ смеа:
– Ние не озборуваме, ние коментираме!
На забелешката на Весна дека тие всушност не озборуваат, туку коментираат, Драгана без двоумење одговори:
– Ги нарекувам работите онака како што ги доживувам (се смее). Сакам да озборувам, признавам, во одбрано и многу тесно друштво. Потоа, по тој брифинг, одам на прошетка и повторно се враќам во пижами.
Драгана открие и од што има фобија.
– Мислам дека гледачите знаат! Имам фобија од кујната, да! Го изгуглав тоа и навистина има вистинско име, но не можам да се сетам како се вика стручно. Кога влегувам во кујната, треперам. Мило ми е што моите деца созреаа и го сфатија и го прифатија тоа. Јас готвам, но не сакам да готвам – беше искрена Драгана Катиќ.
