Познатата хрватска пејачка и поранешна членка на групата „Колонија“, Индира Левак се разведува од сопругот Мирослав по 11 години брак.
Имено, пејачката ја изненади јавноста кога на нејзиниот инстаграм-профил објави дека на нивната љубов ѝ дошол крајот.
„Како јавна личност која секојдневно споделува деловни и приватни моменти со вас, чувствувам потреба да ја споделам и оваа вест. Морам да објавам дека по 11 години брак, јас и Мирослав донесовме заедничка одлука да се разведеме. Продолжуваме самостојно да ги развиваме нашите животи, но како две личности кои меѓусебно се почитуваат, остануваме деловни партнери и пријатели. Почитувајќи го долгогодишниот заеднички живот и сите прекрасни заеднички моменти од нашиот брак, повеќе нема да даваме изјави на оваа тема“, напиша Индира.
Инаку, неодамна во едно од интервјуата за медиумите Левак се осврна и на својот брачен живот.
„За мене бракот не е идеален, не постои. Бракот некогаш е бура, а некогаш ураган… Сепак, љубовта е најважна, како и почитта. Мојот сопруг е моја сродна душа, а ние сме две темпераментни луѓе. Јас сум девица, тој е овен и ние сме многу гласни кога ќе се скараме. Се смируваме подоцна и после 25 години сфативме дека е бесмислено да не се зборува или расправа со денови. Се гушкаме, се бакнуваме и продолжуваме кон нови победи“, изјавила по тој повод хрватската пејачка.
