Актерката Сидни Свини повторно се најде во центарот на вниманието откако беше откриено дека била регистрирана како републиканка во Флорида пред победата на Трамп. Веста следеше по нејзината контроверзна реклама за „Американ Игл“, а претседателот Доналд Трамп исто така се огласи.
Според достапните информации дадени од странските медиуми, Свини е регистрирана како гласач на 14 јуни 2024 година, кратко откако купила луксузна вила во Флорида Кис. Во официјалните документи, јасно е наведено дека се прогласила за членка на Републиканската партија, што беше потврдено и со јавни податоци објавени од британскиот „Гардијан“.
Регистрацијата доаѓа две години по претходната контроверзност во која беше вклучена Свини, кога некои гости се појавија на роденденската забава на нејзината мајка носејќи капи што личеа на слоганот на Трамп „Да ја направиме Америка повторно голема“. Во тоа време, актерката ѝ кажа на јавноста дека тоа е „безопасна прослава“ без политичка порака и ги повика луѓето да не донесуваат заклучоци врз основа на претпоставки.
Иако нејзината политичка припадност беше широко дискутирана на социјалните мрежи, Свини сè уште нема дадено јавна изјава. Во исто време, актерката привлече дополнително внимание кон себе преку рекламна кампања за „Американ Игл“, во која носи фармерки и јакни од брендот во промотивни видеа.
Есенската кампања го носи слоганот: „Сидни Свини има одлични фармерки“ (Sydney Sweeney has great jeans), но многумина го протолкуваа овој слоган како двосмислена игра на зборови, поврзувајќи ги „фармерките“ со „гените“.
Report Ad
Во меѓувреме, се огласи и Доналд Трамп, кој беше изненаден од веста за политичката регистрација на Свини.
„Дали е регистрирана републиканка?“, рекол Трамп како одговор на новинарско прашање.
„О, сега ја обожавам нејзината реклама. Ако Сидни Свини е републиканка, мислам дека нејзината реклама е фантастична“, рекол тој.
Исто така, конзервативните Американци ја пофалија Свини, користејќи ја можноста повторно да ја нападнат таканаречената „разбудена култура“. Стивен Чеунг, портпарол на кампањата на Трамп, рече дека критиките кон актерката се „уште еден пример за култура на откажување која е целосно надвор од контрола“.
И покрај критиките, многумина сметаат дека реакциите се претерани и неосновани. „Американ Игл“ издаде соопштение во кое ја разјаснува пораката на својата кампања: „Пораката „Сидни Свини има одлични фармерки“ отсекогаш била буквална. Станува збор за нејзините фармерки. И нејзината приказна“.
