Контроверзниот рапер Драгомир Деспиќ-Десингерица рано утрово доживеал голема непријатност на белградскиот аеродром „Никола Тесла“ каде доживеал сообраќајна несреќа. Сè се случило во раните утрински часови, кога Деспиќ, најверојатно, со авион пристигнал во Белград, а потоа влегол во својот луксузен автомобил и се упатил кон својот дом. Набрзо дошло до несреќа кога во неговиот, удрил друг автомобил управуван од жена.
По тој повод се огласи и Десингерица кој откри дека непозната жена ја предизвикала несреќата, а бидејќи била странска државјанка била приведена во полициска станица.
„Возев по улица, некое пиле од Швајцарија излета и ми ја удри вратата. Чекав полиција, набрзо дојдоа, направија истрага па ја уапсија и ја однесоа во притвор, по ѓаволите“, објасни Десингерица, пишува „Мондо“.
Да потсетиме, неодамна се пишуваше и зборуваше за наводните турбуленции во врската со сопругата Невена. Сепак, тој откри дека шпекулациите за нивниот развод се невистинити и дека се уште се во брак.
