Многу музичари ширум светот беа принудени да ја прекинат турнејата поради глобалното ширење на вирусот Ковид 19.
Оваа ситуација уметниците ја искористија за пишување на нова музика, а еден од нив кој го направи токму тоа е и Дејвид Ковердејл, актуелниот пејач на групата „Whitesnake“.
На својот Фејсбук профил пејачот објави кратко видео во кое изведува песна под назив „Coronavirus Blues“.
Во форма на класичен блус, Ковердејл го пее текстот на песната, испраќајќи му јасна и гласна порака на вирусот: „F*** off, f*** off / We don’t want you anymore / F*** off, f*** off / Don’t come knocking at my door / F*** off, f*** off / And don’t ever show your f***ing face no more““.
И на Ковердејл очигледно не му е лесно поради изолацијата, па токму поради тоа од претходно мораше да ја откаже својата јапонска турнеја, а потоа и сите престојни концерти во Европа и САД.
