Рајан Гослинг се појавува покрај Маргот Роби во новиот филм на Грета Гервиг за култната кукла, а актерот, кој има две мали ќерки со партнерката Ева Мендес, призна дека на неговите девојчиња им било чудно што татко им го глуми машкиот придружник на Барби.
На премиерата на „Барби“ во Лос Анџелес во неделата Рајан беше запрашан дали ќе им го покаже филмот на своите деца.
„Па, мислам дека беше доволно чудно за нив дека го портретирам Кен. Можеби ќе причекам некое време да ја видат целата енергија на Кен“, изјави тој за „Е-тонлајн“.
Сепак, Рајан призна дека Есмералда (8) и Амада (7) виделе некои работи од филмот и тие му помогнале да ја усоврши улогата.
„Тие видоа неколку делови од филмот и многу ми помогнаа со тоа. Беа голема инспирација за мене“, додаде тој.
Тој искажа пофални зборови и за својата колешка Маргот, која е една од продуцентите на филмот, нагласувајќи дека таа помогнала да се оживее саканата кукла.
„Барби“ пристигнува во кината на 21 јули.
