Цеца Ражнатовиќ одлучила да ја ангажира својата кума Вики Миљковиќ, која има компанија и во Дубаи, за да ѝ го најде совршениот имот во највисоката зграда на светот, за таа и нејзиното големо семејство да уживаат во него кога и да отпатуваат таму.
-Ражнатовиќ се вљубени во Дубаи, поради што таму се враќаат неколку пати годишно. Со оглед на тоа што се многудетно семејство, а овие патувања воопшто не се евтини, решиле да купат сопствен стан, каде што ќе престојуваат во иднина. Бидејќи Вељко и Богдана имаат три деца, сестрата на Цеца, Лидија и нејзиниот сопруг имаат четири, а Анастасија и Немања исто така ќе имаат деца, логично беше, исто како и на Кипар, да имаат свој семеен дом за уживање во Дубаи – изјавил за Информер извор близок на фолк ѕвездата, додавајќи дека нејзината кума, Вики Миљковиќ ја инспирирала идејата.
– Пред две и пол години, Вики на шега и рекла: „Цеца, повеќе вреди да купиш стан од милион евра, во Бурџ Калифа, отколку да плаќаш десетици илјади евра за сите секој пат, и тоа само за десет дена, колку што обично остануваш овие неколку години. Цеца веднаш скокнала и ѝ рекла: „Ајде, најди ми стан! „И во Бурџ Калифа“ – раскажал извор близок до семејството Ражнатовиќ.
Во 2022 година, на најголемиот светски фестивал Експо, кој таа година се одржа во Дубаи, Вики добиексклузивни права од арапската компанија „Емар“ да ги продава и изнајмува становите што ги изградија. Цеца уште тогаш имала желба да стане сопственик на имот во тој град, но подоцна се откажала од него, бидејќи парите оделе за други проекти, свадби, внуци… Сепак, факт е дека таа не се откажала од својата желба:
Неодамна и рекла на кумата да почне да го бара станот за кој зборувале две и пол години и да ѝ каже кога ќе најде соодветен простор со убав поглед. Бурџ Калифа е највисоката и најексклузивната зграда во светот, а тоа што се наоѓа веднаш до најголемиот трговски центар во светот Дубаи мол, особено ги радува помладите членови на семејството Ражнатовиќ.
Дека информациите до кои дошле Информер се точни неодамна потврди и самата Цеца, но деталите не сакаше да ги открие.
– Вистина е дека разгледувам некои станови, а конечната одлука за купување ќе ја донесам откако ќе разговарам со Анастасија и Вељко. Од друга страна, ако и кога ќе купам нешто, тоа дефинитивно ќе биде преку мојата кума, во чиј вкус не се сомневам – изјавила Цеца Ражнатовиќ.
