Сумирајќи ги впечатоците по концертот одржан во Врање, пејачката Цеца Ражнатовиќ зборуваше со медиумите за разни други теми – моментално се подготвува да замине кај ќерката Анастасија Гудељ во Шпанија, а потоа се осврна и на гласините дека наводно купува стан во Дубаи.
Цеца без да крие дека би сакала, нагласила дека тоа не е вистина.
– Станот во Дубаи е лага. Дај боже да се случи, многу би сакала да имам стан во Дубаи, не е лоша идејата, но уште не ми е редот. Сега одам во Шпанија со Анастасија. Сега одам на кратко, околу пет дена. Во мај ќе земам повеќе слободни денови, па ќе можам да ѝ посветам повеќе време. Сега ја снимаме „Ѕвезде Гранда“, имам концерти, го правам „Цеца шоу“ и поради обврски можам да заминам само неколку дена – објасни пејачката, а потоа се осврна на снимањето на талент шоуто по смртта на неговиот креативен директор Саша Поповиќ.
– Тоа е координирана екипа, сѐ беше координирано од Саша и ставено под конец. Бидејќи се разболе, за жал, немавме можност да работиме со него за новата сезона. Засега е добро иако е голема празнина која не може да се пополни. Недостасува неговата енергија, „Ѕвезде Гранда“ е негово чедо. Се надевам и верувам во тимот кој работи со него 20 години дека сѐ ќе продолжи таму каде што застана – изјави Ражнатовиќ, која оваа сезона ја отвори со настапи ширум Србија.
