Грешки кои ја уништуваат скарата можат да ви го уништат празничниот ручек!
Доколку се подготвувате за скара за 1 мај, веројатно веќе сте купиле месо и сте подготвени за вистинска гозба! Но, постојат грешки кои можете да ги направите при печењето месо на скара, што празничниот ручек ќе го претвори во катастрофа!
Избегнете ги овие грешки и направете оброк како вистински мајстор за скара!
1. Грешки со ќумурот
Никогаш не палете ќумур користејќи запаливи течности! Најдобро е да земете парче хартија, да запалите едно жарче а кога ќе светне, полека распоредете го на дното на тавата.
2. Грешки со скарата
Скарата мора да биде чиста и подмачкана, доколку сакате месото да се пече рамномерно, да не се залепи и да не останат парчиња на решетките. Решетките добро исчистете ги и намачкајте ги со масло. Чистењето на решетките може да го направите успешно со парче лимон.
За да се испече месото и да добие вкус на скара, треба да ја оставите скарата да се загрее. Повеќето луѓе овде грешат и брзаат, поради што добиваат печено, но не толку вкусно месо.
3. Грешки со храната
Има причина зошто плескавиците, ќебапите, колбасите или пилешкото бело месо се толку вкусни на скара. Нивната текстура и односот протеин-масти се идеални за овој начин на подготовка.
Немојте да печете риба која лесно се „распаѓа“, поцврсти парчиња месо кои инаку бавно се варат или месо што е обложено со масно ткиво. Таквото месо само ќе почне да капе, маснотиите ќе горат на врелиот јаглен и ќе добиете многу чад и вкус на загореност.
И не заборавајте, Кога ќе го ставите парчето месо на скара, што помалку вртете го и поместувајте го.
4. Грешки со кујнскиот прибор
Секој мајстор за скара ќе ви каже дека вилушките и другите помагала при вртење на месото се најкорисни доколку имаат долги рачки. Ако рачката е прекратка ризикувате да добиете изгореници. Не го прободувајте месото за да го превртите. Со боцкање месото ја губи влажноста и се суши.
