До пред неколку недели се чинеше повеќе од сигурно: средба за расчистување и разјаснување на конфликтот меѓу кралот Чарлс III и Хари и Меган Маркл, пред крунисувањето на 6 мај, за конечно да се стави крај на контроверзите и отровите. Сега, сепак, експертите на британското кралско семејство го менуваат дискурсот и гарантираат дека нема да има разговор ниту средба меѓу тројцата.
Омид Скоби, коавтор на „Наоѓање на слобода“, неовластена биографија на Хари и Меган, овојпат го искажа своето гледиште. Говорејќи на каналот „Common Sense“ на „Јутјуб“, на прашањето дали навистина ќе има средба пред 6 мај, односно пред крунисувањето, за која многу се зборуваше во изминатиов период, Скоби беше јасен: „Од она што го разбрав од изворите, тоа воопшто не е точно“.
Гласините беа објавени од неидентификуван извор близок до кралот, кој зборуваше за Сандеј Тајмс претходно оваа година. Според информаторот, желбите на Чарсл Трети биле да се сретне со неговиот син и снаа за да ги решат сите несогласувања, особено по објавувањето на мемоарите „Резерва“- книгата бомба на Хари, која не поштеди никого, од неговиот татко до неговиот брат и снаа.
Според британските медиуми, се повеќе е извесно дека Хари и Меган нема да бидат поканети во Лондон на 6 мај на крунисувањето на Чарлс. Меѓу другото и затоа што нивното присуство сигурно ќе ги натера луѓето да зборуваат за нив (повеќе отколку за главниот настан), и секако нивното присуство ќе го оттргне вниманието од оној што би требало да биде апсолутниот протагонист на денот, Чарлс Трети.
6 мај е и роденден на малиот Арчи: Па така војводите од Сасекс, на крајот на краиштата, имаат совршен изговор да останат во Калифорнија. И кралот очигледно тој изговор однапрд им го обезбедил со изборот токму на тој датум.
