Легендарниот босански пејач почина вчера по кратка борба со ракот, на 71 година.
Халид Бешлиќ и Сејда имаа хармоничен брак кој траеше речиси 50 години.
Песната „Сејда“, која Халид ѝ ја посвети на својата сопруга, носи посебно емотивно значење.
Имено, Сејда и Халид Бешлиќ имаа еден од најхармоничките бракови на јавната сцена, а поминаа речиси 50 години заедно.
Кога на Сејда ѝ била соопштена болната вест дека Халид починал, таа наводно само рекла: „Наскоро доаѓам кај тебе, стар мој“.
– Цело Сараево плаче. Ма, целиот Балкан. Што да ви кажам, пријател ми се јавува и плаче. Блиски пријатели велат дека сопругата тешко го поднела тоа. И таа е со тешка здравствена состојба. Тоа е стрес, знаете. Тие многу се сакаа. Таа вели дека наскоро ќе биде со него. Тука се внуците да ги чува и ќе ги чува онака како што како што сакаше Халид. Тоа е хармонично семејство што дури не можам да ви го опишам. Чекам да ми кажат кога е погребот. Не се надевавме на ова – рекол менаџерот од Босна и Херцеговина.
Халид Бешлиќ ја посветил својата последна песна на сопругата Сејда и го носи називот по нејзиното име.
– Сопругата не ја запознав на настапот. Во една кафеана каде што настапував, на влезот во Сараево… мојата свастика работеше таму, таа беше готвачка и таа ме запозна со сопругата. Таа не излегуваше по кафеани. Кога се запознавме видов дека тоа е тоа, се забавувавме половина година и веднаш потоа се венчавме. Ете, толку години функционираме и ден-денеска. Имаше тешки години во нашиот однос, но сè надминавме… кога бевме помлади тоа беше некако и нормално – рекол Халид Бешлиќ, кој се оствари како сопруг, но и како татко и дедо, на што бил многу горд.
Халид Бешлиќ почина на 71-годишна возраст на онкологија, а како што потврди неговиот менаџер во тоа време, пејачот имал заболување на црниот дроб.
