Принцезата Марта Луиз од Норвешка се мажи за Дурек Верет, попознат како Шаман Дурек, но кој е навистина нејзиниот избраник? Тој е духовен гуру на холивудските ѕвезди (дури и ако не му се допаѓа таа дефиниција), почнувајќи од Гвинет Палтроу, Крис Пајн до Росарио Досон. „Шаман од шестата генерација“, гласи неговата кратка биографија на Инстаграм.
Дурек добил овластување од кралот на Норвешка да се ожени со Марта Луиз уште минатиот декември. Ова е втор брак за Марта Луиз од Норвешка, која долги години беше со писателот Ари Бен, кој се самоуби на Божиќ 2019 година, на само 47 години. Двајцата се венчаа во 2002 година, а се разделија во 2016 година. Бен и принцезата имаат три ќерки, Мод, Леа и Ема.
Уште во 2019 година принцезата Марта Луиз требаше да се омажи за Шаман Дурек, но 2020 година ја принуди двојката дополнително да го одложи датумот на венчавката поради пандемијата. И еве конечно дојде вистинскиот миг.
View this post on Instagram
Од детството бил поинаков, но и злоставуван од татко му и бебиситерката
Роден во 1974 година во Сакраменто, Калифорнија, Дерек Верет – сега познат како Шаман Дурек – има потекло од Гана. Тој ја следеше својата вокација, и покрај тоа што неговото семејство сакаше да го насочи кон повеќе „традиционални“ активности. Пораснал во Гана, а потоа живеел на Хаити, а потоа се преселил во Њу Орлеанс.
Неколку членови на семејството Верет од повеќе генерации наназад биле познати по своите шамански моќи. Во интервју за Vanity Fair во декември 2020 година, Дурек рече дека пораснал со својот татко по разводот на неговите родители кој се случил кога тој имал 3 години. Тој пораснал во Фостер Сити и Хаваи и сфатил дека има духовни моќи кога имал околу 5 години. Сè започнало со визии на неговите школски другари, а потоа „ги видел“ своите предци во својата соба кога се разбудил од сон.
Неговото детство го одбележаа неколку епизоди и фактот дека е поинаков, вклучително и тоа дека едно од ретките црни деца во местото каде што живеел. Соучениците, исплашени од неговите визии, се пожалиле на наставниците. Дурек исто така рече дека се обидел да ги осветли кожата и косата кога бил дете користејќи белило. Призна и дека е бисексуалец, но и дека бил физички и емоционално малтретиран од неговиот татко, а сексуално злоставуван од бебиситерката. Оваа траума како тинејџер го навела да користи алкохол и дрога, да го напушти училиштето и да заврши во тешка состојба. Завршил и во (малолетнички) затвор затоа што запалил куќа во која заедно со другарите влегле да направат забава. Иако бил свесен дека има посебна дарба, Шаман Дурек во првите години од животот не знаел добро да го искористи тоа, и го сметал тоа за пречка. Сепак, тој продолжил да се подготвува, проучувајќи го шаманизмот престојувајќи во некои индијански племиња, но и нигериски, хаитски, хавајски, кубански племиња. Студирал кабала со израелските рабини, ги проучувал сите религии, вклучително и католицизмот, христијанството и во Турција студирал суфизам.
Бил женет, а промената се случила кога паднал во кома
Долго време живеел во Европа, каде студирал мистицизам и каде бил оженет и со жена од која се развел. Радикална промена во неговиот живот се случила на 28-годишна возраст, откако бил два месеци во кома. 8 години бил на дијализа и морал да направи трансплантација на бубрег. За време на периодот кога бил во кома, тој имал визии во кои „умот го извадил од утробата“ -како што подоцна објасни.
Во 2013 година тој од Дерек стана Дурек и почна да се приближува кон светот на познатите личности, експериментирајќи со нови методи за „да го донесе шаманизмот кај луѓето од 21 век“, станувајќи и самиот славна личност.
Додека неговото семејство срдечно ја пречека Марта („Се чувствував како да влегувам во светот на Хари Потер“, рече таа), на кралот и на кралицата на Норвешка им требаше малку повеќе време да ја „сварат“ врската на принцезата со шаманот.
Околу нивната врска имаше бројни критики и предрасуди, дури и расни, некој ги обвинија и за смртта на Ари Бен, поранешниот сопруг на принцезата. Денес, и покрај историскиот момент кој ги принуди да поминат долго време разделени, Марта и Дурек се заљубени повеќе од кога било.
