Хрватската старлета и ријалити учесничка Ава Карабатиќ, која пошироката јавност ја запозна преку разни телевизиски проекти, по загубата на нејзиниот татко, почна да ја планира иднината.
Како што открила во својата последна објава, со која ги изненади своите следбеници, Ава заминува во Швајцарија.
„И така… за жал, живееме во држава и општество кое поттикнува непотизам, корупција, сексуално искористување итн…“, започнала Ава.
Во продолжение на објавата, Сплиќанката открила што планира да прави во Швајцарија.
„Мамо, ти благодарам што размисли однапред и ме советуваше да се запишам на здравствено училиште. Има доста медиуми итн…, следната станица е Швајцарија, дом за стари и немоќни лица, односно негувателство. Немам што повеќе да барам на Балканот“, рекла таа.
Оваа објава ги изненади нејзините следбеници, кои во коментарите пишуваат поделени реакции.
„Остани тука“, „Среќно Ава“, напишаа следбениците, иако имаше и такви кои се чуделе на нејзината одлука.
По загубата на нејзиниот татко, што беше особено тежок период за неа, Ава Карабатиќ повторно активно се вклучи во јавниот живот. Се чинеше дека е среќна и задоволна и не навестуваше дека може да бара подобар живот во Швајцарија.
