Анастасија Ражнатовиќ и Немања Гудељ почнаа да живеат заедно во Шпанија пред неколку години, а неодамна се преселија во луксузен дом што го купија.
Имено, како што ексклузивно дознава српски Телеграф, двајцата го купиле својот прв семеен дом, луксузна вила во која неодамна се вселиле. Вилата се наоѓа во Севиља, и е многу модерно изградена со огромен двор кој има и базен.
Модерната вила е речиси целосно направена од стакло, а дневната соба која е украсена со огромни прозорци води директно до базенот покрај кој се засадени и палми.
Потрошиле сериозни пари за тоа, но го украсиле по свој вкус. Пространиот двор, покрај базенот, го краси и зеленило, а целата вила е опкружена со високи ѕидови и зелена жива ограда.
Анастасија Ражнатовиќ на Инстаграм се пофали со фотографија од нејзиниот нов дом, заедно со краток опис:
„Доме сладок доме“, напиша таа.
Како што дознава медиумот, тие двајца веќе некое време живеат во својот „рај“ каде неодамна на гости престојуваше нејзината мајка Цеца Ражнатовиќ.
