Српската поп пејачка Ана Николиќ си ја отворила душата и конечно проговорила за многу теми кои со години ја интригираа јавноста, а за кои досега не сакаше јавно да зборува, пишува српски „Курир“.
Пејачката зборувала сè за својата наводна борба со зависноста од алкохол, се осврнала на својот однос со поранешниот сопруг Стефан Ѓуриќ Раста, но и за аферата со бизнисменот Ќазим Османи, која своевремено го разбрануваше регионот.
На водителката на емисијата „Претрес“ на Хајп телевизија најпрво ја интересирало како реагирала на наводите дека е зависник од алкохол.
– Колкупати излитена реченица. Зошто мора да биде придавка „пијана Ана Николиќ“? Што сте вие, алкотест? Како тоа „пијана Ана Николиќ“? Од каде вие знаете дека јас сум пијана? Всушност, полицијата сега ме запре: „Не мора да дувате! Благодарам колега, многу благодарам!” Јас сум Ана и не сум алкохоличар. Во филмот јас сум Мерилин Монро и многу брзо ќе ја сменам улогата, а тоа ќе биде хуманитарна работа и трибини – рекла пејачката.
Поп ѕвездата се осврнала и на шпекулациите кои кружеа во медиумите за нејзината наводна врска со бизнисменот Ќазим Османи. Како што истакнала, таа не ни знае кој е тој човек.
– Тоа е глупост и циркус направен без причина. Јас пеев кај него на денот на неговата венчавка. Раста и јас се обидувавме на мојот брат Марко да откажеме, бидејќи тоа беше тајна венчавка. Тоа беше навистина тајна, никој не знаеше. Марко рече: „Не разбирам зошто одите со друг автомобил? Зошто не доаѓате со мене?”. На Марко ништо не му беше јасно, а јас сакав да откажам по цена на живот и смрт. Тоа воопшто не ме интересираше. Со него ме споија, бидејќи една вечер седевме во исто друштво пред Стариот град во Будва. И таа поранешна девојка, сегашна, идна, не знам (Манда Поповиќ, белешка на авторот) си смислила нешто во главата. И во хотелот ја пуштиле на рецепција да влезе во мојата соба – рекла таа, па додала:
– Се претстави како мини-бар. Упадна како каубој, ги крена нозете на масата и ми рече: „Види вака, тоа е мое момче!“ Јас ѝ реков: „Девојко, жено, кој ти го допира момчето?“ Новинарите веднаш напишаа дека дошло до тепачка. На аеродром ме чека мојот Марко и мислеше дека таа мене ме тепала во собата. Ставив капа и очила затоа што ме мрзеше да се шминкам. Ме праша дали можев да земам пепелник и да ја гаѓам. Го прашав што му е, изгледаше како да не е на сцената, па чита весници – заклучила Ана на Хајп телевизија.
