Коментарите и шпекулациите на социјалните мрежи не стивнуваат откако Луис Писано, инфлуенсер и моден критичар кој има над 130.000 следбеници на Инстаграм, објави дека Ријана и раперот Асап Рони пред неколку дена раскинале, и дека причина е неверството на раперот.
„Ријана му раскина откако го фати како ја изневерува со дизајнерката на чевли Амина Муади“, стоеше во објавата на неговиот твитер-профил.
Амина Муади, која ја нарекуваат господарка на кристалните чевли, има полуроманско и полујорданско потекло, а пораснала во Италија. Сакала да се занимава со мода уште од мала, а кариерата ја започнала како стилист во модни списанија во Италија. Со Ријана работи на брендот Фенди.
Муади на Инстаграм ги негираше гласините дека наводно имала афера со Асап Рони, а како што рече, решила да се огласи по повод гласините, не поради себе, туку поради луѓето кон кои има „голема почит и наклонетост“.
„Отсекогаш верував дека една неоснована лага која се шири на социјалните мрежи не заслужува никаков одговор или појаснување, особено ако е толку подла. Отпрвин претпоставував дека овие лажни озборувања, измислени со лоша намера, нема да бидат сфатени сериозно. Меѓутоа, во последните 24 часа се потсетив дека живееме во општество кое толку брзо доаѓа до заклучоци за некои теми без разлика на фактичката основа и дека не постои граница. Дури и за време на она што треба да биде едно од најубавите и најславните моменти во животот“, напиша Муади на Инстаграм, алудирајќи на блажената состојба на Ријана.
Ријана и Асап Роки се уште не се огласија.
