Водителот на емисијата „Амиџи шоу“, Огњен Амиџиќ, се огласи на Икс (поранешен Твитер) за да одговори на очигледно големиот број шпекулации и разни коментари поради тоа што во емисијата емитувана во вторник, на 5 март не ја поканил и победничката на српскиот избор на песна за Евровизија 2024 година“, туку второпласираната Анѓела Игњатовиќ Бресквица.
Како што напиша јавно, Теја Дора била поканета, но поради причината што изјавил – не дошла.
– Бидејќи пишувате некои глупости, само да објаснам. Во синоќешната емисија беше поканета и Теја Дора, нормално како победничка, но РТС ме замоли неа да ѝ закажам друг термин. Па ќе ве известам кога ќе биде тој датум – напиша Амиџиќ.
