Александра Радовиќ со години се смета за една од уметниците кои го чуваат својот приватен живот подалеку од очите на јавноста, посебно место во нејзиниот живот зазема верата. Пејачката често посетува манастири, а кога црковниот календар го наложува тоа, таа пости и се труди својата вера да ја живее во согласност со сопствените верувања. Радовиќ ретко зборува јавно за оваа тема, поради што внимание привлече нејзиното неодамнешно гостување во една емисија, каде што отворено зборуваше за верата, духовноста и за тоа колку таа ѝ значи во животот,
Гостувајќи во поткастот „Живот во верата“, пејачката зборувала за предрасудите со кои се соочуваат религиозните луѓе, но и за две сосема различни слики кои често се поврзуваат со одењето во црква.
– Одиш во црква, не знам ниту јас што луѓето замислуваат кој оди во црква, или другата крајност: „Леле, таа оди во црква, таа е преподобна, таа е единствената во право, сите ние грешиме“. Па, драг човеку, ние одиме затоа што сме никакви. Јас сум петстотини пати погрешна од тебе, мислат дека сум некаков пурист, таман работа, сосема спротивното – рекла Александра.
Пејачката потоа објаснила зошто одењето во храм е важно за неа.
– Одам во црква затоа што таму ми е помошта, таму ми е болница, лекар, таму ми е итната помош. Кога си во неволја – трчи таму! – рекла Александра.
Нејзините зборови предизвикаа бројни реакции на социјалните мрежи, каде што почна да се споделува снимката од емисијата, а многумина особено ја коментираа нејзината отвореност и начинот на кој зборувала за сопствените слабости и верата.
