„Златен стандард“ за решавање функционални и естетски деформитети на носот.
Ринопластиката претставува хируршка процедура од областа на пластична, реконструктивна и естетската хирургија со која се извршува ремоделирање на коскените и ‘рскавични структури на носот со цел да се постигне подобар естетски резултат.
Доколку покрај естетска корекција, во истиот оперативен акт, се направи и функционална корекција на носот, корекција на септумот (девијација на септумот) со цел да се решат функционални проблеми, потешкотии при дишењето преку носот, станува збор за риносептопластика.
Во светот „златен стандард“ за извршување на овие две процедури (ринопластика и риносептопластика) е отворениот пристап.
Во Клиника „Жан Митрев“, следејќи ги светските препораки, за првпат беше извршена риносептопластика со отворен пристап како хируршка техника.
Оваа техника се изведува во општа анестезија, при која со мал засек низ колумелата-ткивната лента што ги дели ноздрите, се пристапува на сите коскени и ‘рскавични структури на носот. Ова му дава на хирургот јасен и директен пристап до сите градбени компоненти на носот и можност за прецизно менување и ремоделирање на структурите. Отворената риносептопластика е прифатена како најдобра хируршка техника кога станува збор за корекција на носот бидејќи обезбедува поголема контрола и прецизност во текот на постапката.
Постоперативно се прави фиксирање на носот со силиконски тампони и термопластичен имобилизатор за нос што дополнително им го олеснува на пациентите постоперативниот период.
Две недели постоперативно пациентот се чувствува одлично, среќен што може за првпат да диши преку својот нос непречено и пресреќен со естетскиот резултат.
За да закажете консултација јавете се во нашиот контакт центар 02/3091-484
Д-р Илина Гаџевска Томулевска
Супспец. по пластична реконструктивна и естетска хирургија
(Комерцијален текст)
