– Продолжува периодот на променливо облачно и натпросечно топло време со сончеви периоди. Ќе дува слаб до умерен ветер од променлив правец, додека температурите ќе се искачуваат во интервалот од 17 до 24 степени, вели нашиот метео прогнозер Славчо Попоски.
Услови за слаби локални врнежи од дожд ќе има само во вторник, додека особено од среда и тоа под влијание на постуден воздух од север, температурите ќе бележат тенденција на опаѓање.
– И во Скопскиот регион продолжува периодот на претежно стабилно, суво и натпросечно топло време. Температурите ќе се искачуваат помеѓу 18 и 20 степени, додека опаѓање на истите се очекува од среда.
Попоски напоменува дека овие температури се повисоки од просечните дури за околу 10 степени.
