Денес разговараме со Николина Колишева во нејзиниот преубав двор во Виница. Николина е пензионерка со инвалидска пензија, пред шест години оперирана од канцер на дојка. Оваа хероина денес е посветена на разубавување на дворот кој е вистинска релаксација и место за уживање.
– Со одгледување на цвеќиња се занимавам од млади години – ни вели Николина која сама е одговорна за уредување на дворот кој го красат најразнолични цвеќиња, од сардели до азалеи и бегонии.
Наесен доминираат хризантемите, напролет лалето, зумбулите, нарцисите…, додека во текот на летото приматот го имаат кралиците гладиоли, а в зиме цветаат љубичиците.
Во домот пак, на Николина, главниот збор го имаат орхидеите и домашните темјанушки.
– Ако се има љубов кон цвеќињата времето не се мери – вели Николина која со радост им посветува дел од денот на своите убавици, и додава дека сите цвеќиња ѝ се омилени и дека грижата за нив ја исполнува.
За да си љубител на цвеќиња треба да издоиш и пари и љубов – заклучува нашата цветна дама.
Инаку, Николина е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
УЖИВАЈТЕ ВО ФОТОГАЛЕРИЈАТА:
ФОТО – ПРИВАТНА АРХИВА
