„Зум“, компанијата за видеокомуникации, која ја почна револуцијата за работа на далечина во текот на пандемијата, им порача на своите вработени да се вратат во канцелариите, пренесува Си-ен-ен.
Неколку американски медиуми пишуваат дека „Зум“ се издигна на нови височини кога станува збор за работа на далечина во екот на пандемијата кога многу луѓе почнаа да користат платформи за видеоконференции од дома.
Сега, компанијата со седиште во Сан Хозе, Калифорнија, сака своите вработени да ги врати во канцеларија приклучувајќи се на сѐ поголем број компании во Америка, кои воведуваат мандати за враќање.
Во соопштението до вработените се наведува дека структурираниот хибриден пристап е најефективен и дека луѓето што живеат до 80 километри од канцеларијата треба да работат во просториите на компанијата најмалку двапати неделно.
„Ќе продолжиме да ја користиме целата наша платформа со цел вработените и дисперзираните тимови да бидат поврзани и да бидат ефективни“, додаваат од компанијата.
Нарекувајќи го хибридниот пристап најефективен за „Зум“, портпаролот на компанијата изјави во вторникот за „Ју-ес-еј тудеј“ дека вработените што живеат во близина на канцеларија мора да доаѓаат на работа најмалку двапати неделно
„Амазон“ и „Дизни“ се меѓу компаниите што ги намалија работните денови на далечина.
