Во делови на Хрватска вчера дојде до промена на времето со дожд и пониски температури во Загреб, а Далмација ја зафати силно невреме и обилен дожд.
Најлошо беше во Шибеник, каде, како што објави локалниот портал Шибеник, дождот предизвика поплави низ целиот град.
Најмногу дожд падна во областа Шибеник, на некои места и повеќе од 50 литри на метар квадратен.
Невремето во текот на вечерта продолжило да се движи кон областа Макарска, а во областа Живогошче, падна град со големина на топче за голф, пренесува Далмација Данас.
Ветерот носел ќерамиди од покриви, а на Хвар, гром предизвика пожар во шумата кај Брусје.
Невреме го погоди и подрачјето на Трогир, каде гром удри во ѕид на спортската сала, пренесува Индекс.хр.
The post Силно невреме во Хрватска: Поплави во Шибеник, град со големина на топче за голф во Живогошче (ФОТО+ВИДЕО) appeared first on Слободен печат.
Силно невреме во Хрватска: Поплави во Шибеник, град со големина на топче за голф во Живогошче (ФОТО+ВИДЕО) was first posted on септември 1, 2020 at 9:20 am.
